II.57-66

Ecce, manus juvenem interea post terga revinctum
pastores magno ad regem clamore trahebant
Dardanidae, qui se ignotum venientibus ultro,
hoc ipsum ut strueret Trojamque aperiret Achivis,
obtulerat, fidens animi atque in utrumque paratus,
seu versare dolos seu certae occumbere morti.
Undique visendi studio Trojana juventus
circumfusa ruit certantque inludere capto.
Accipe nunc Danaum insidias et crimne ab uno
disce omnis.